Pravasi Varthakal

ദോ​ഹ: നാ​ട്ടി​ലാ​യാ​ലും പ്ര​വാ​സ​ത്തി​ലാ​യാ​ലും ത​ട്ടി​പ്പ് സ​ന്ദേ​ശ​ങ്ങ​ൾ പു​തു​മ​യ​ല്ല. ഔ​ദ്യോ​ഗി​ക ഉ​റ​വി​ട​ങ്ങ​ൾ എ​ന്ന വ്യാ​ജേ​ന മൊ​ബൈ​ൽ ഫോ​ൺ ന​മ്പ​റി​ലേ​ക്ക് വ​രു​ന്ന എ​സ്.​എം.​എ​സ് സ​ന്ദേ​ശ​ങ്ങ​ളാ​ണ് ഈ ​ത​ട്ടി​പ്പു​കാ​രു​ടെ പി​ടി​വ​ള്ളി. ആ​ഭ്യ​ന്ത​ര മ​ന്ത്രാ​ല​യ​ത്തി​ൽ (എം.​ഒ.​ഐ) നി​ന്ന് എ​ന്ന പേ​രി​ലാ​ണ് ക​ഴി​ഞ്ഞ ദി​വ​സ​ങ്ങ​ളി​ലാ​യി നി​ര​വ​ധി പേ​ർ​ക്ക് ട്രാ​ഫി​ക് പി​ഴ അ​റി​യി​പ്പ് എ​ന്ന് കാ​ണി​ച്ചു​കൊ​ണ്ട് സ​ന്ദേ​ശം വ​ന്ന​ത്.

നി​ങ്ങ​ളു​ടെ വാ​ഹ​ന​ത്തി​ന്റെ പേ​രി​ൽ ​ഗ​താ​ഗ​ത നി​യ​മ​ലം​ഘ​ന​ത്തി​ന് പി​ഴ​യു​ണ്ട്. അ​ധി​ക പി​ഴ ഒ​ഴി​വാ​ക്കു​ന്ന​തി​നാ​യി ഉ​ട​ൻ​ത​ന്നെ താ​ഴെ​കാ​ണു​ന്ന ലി​ങ്ക് വ​ഴി പ​ണം അ​ട​ച്ചു തീ​ർ​ക്ക​ണ​മെ​ന്ന മു​ന്ന​റി​യി​പ്പു​മാ​യാ​ണ് വാ​ഹ​നം ഇ​ല്ലാ​ത്ത​വ​ർ​ക്കും എ​സ്.​എം.​എ​സ് സ​ന്ദേ​ശ​ങ്ങ​ൾ ല​ഭി​ച്ച​ത്.

എ​ന്നാ​ൽ, പ​ണ​മ​ട​ക്കാ​ൻ ആ​വ​ശ്യ​പ്പെ​ട്ടു​ള്ള ലി​ങ്ക് ശു​ദ്ധ ത​ട്ടി​പ്പ്. ആ​ഭ്യ​ന്ത​ര​മ​ന്ത്രാ​ല​യം വെ​ബ്സൈ​റ്റി​നെ അ​നു​ക​രി​ച്ചു​കൊ​ണ്ട് ഏ​താ​നും അ​​ക്ഷ​ര​ങ്ങ​ളു​ടെ മാ​റ്റം മാ​ത്ര​മു​ള്ള ലി​ങ്കി​ൽ പ്ര​വേ​ശി​ച്ചാ​ൽ അ​വി​ടെ​യും സ​മാ​ന​മാ​യ ഡി​സൈ​നു​ക​ൾ. ആ​ധി​കാ​രി​ക​മെ​ന്ന് തോ​ന്നി​പ്പി​ക്കും വി​ധ​മെ​ത്തി​യ സ​ന്ദേ​ശ​ത്തി​ലെ ത​ട്ടി​പ്പ് എ​ളു​പ്പം തി​രി​ച്ച​റി​ഞ്ഞ​തി​നാ​ൽ വ്യാ​ജ​ന്മാ​രി​ൽ വീ​ഴാ​തെ ര​ക്ഷ​പ്പെ​ട്ട​താ​യി എ​സ്.​എം.​എ​സ് ല​ഭി​ച്ച​വ​ർ പ​റ​യു​ന്നു.

ചി​ല​ർ​ക്ക് സ​ർ​ക്കാ​റി​ന്റെ​ കേ​ന്ദ്രീ​കൃ​ത വെ​ബ്സൈ​റ്റാ​യ ഹു​കൂ​മി https://hukoomi.gov.qa യു​മാ​യി സാ​മ്യ​ത​യു​ള്ള യു.​ആ​ർ.​എ​ൽ ഉ​പ​യോ​ഗി​ച്ചാ​ണ് ത​ട്ടി​പ്പു​കാ​ർ സ​ന്ദേ​ശം അ​യ​ച്ച​ത്. ആ​ഭ്യ​ന്ത​ര​മ​ന്ത്രാ​ല​യ​ത്തി​നു കീ​ഴി​ലെ മെ​ട്രാ​ഷ് ആ​പ്പി​നെ പ​ക​ർ​ത്തു​ന്ന വി​ധ​ത്തി​ലും ചി​ല യു.​ആ​ർ.​എ​ല്ലു​ക​ൾ ത​ട്ടി​പ്പു​കാ​ർ സൃ​ഷ്ടി​ക്കു​ക​യും ചെ​യ്ത് വ​ല​വീ​ശു​ന്നു. ബാ​ങ്കു​ക​ളു​ടെ​യും ഹൈ​പ്പ​ർ​മാ​ർ​ക്ക​റ്റു​ക​ൾ ഷോ​പ്പി​ങ് മാ​ളു​ക​ൾ എ​ന്നി​വ​യും ​പേ​രി​ലും ത​ട്ടി​പ്പ് എ​സ്.​എം.​എ​സു​ക​ൾ ക​ഴി​ഞ്ഞ മാ​സ​ങ്ങ​ളാ​യി സ​ജീ​വ​മാ​ണ്.

പ്ര​ധാ​ന ബാ​ങ്കു​ക​ളി​ലൊ​ന്നാ​യ ക്യൂ.​എ​ൻ.​ബി​യു​​ടെ പേ​രി​ലാ​ണ് മ​​റ്റൊ​രു വ്യാ​ജ സ​ന്ദേ​ശം പ​ര​ക്കു​ന്ന​ത്. നി​ങ്ങ​ളു​ടെ പേ​രി​ലെ ബോ​ണ​സ് പോ​യ​ന്റു​ക​ൾ മൂ​ന്ന് ദി​വ​സ​ത്തി​നു​ള്ളി​ൽ കാ​ലാ​വ​ധി ക​ഴി​യും. ഉ​ട​ൻ ഉ​പ​യോ​ഗി​ച്ച് സാ​മ്പ​ത്തി​ക ലാ​ഭം നേ​ടാ​മെ​ന്ന പേ​രി​ലാ​ണ് വ്യാ​ജ വെ​ബ്സൈ​റ്റ് യു.​ആ​ർ.​എ​ൽ ത​ട്ടി​പ്പു​കാ​ർ ഉ​പ​യോ​ഗി​ക്കു​ന്ന​ത്. എ​ന്നാ​ൽ, ഇ​ത്ത​രം ത​ട്ടി​പ്പു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന് അ​ധി​കൃ​ത​ർ പ​ല​ത​വ​ണ മു​ന്ന​റി​യി​പ്പു ന​ൽ​കു​ന്ന​താ​ണ്. എ​സ്.​എം.​എ​സ്, മൊ​ബൈ​ൽ ഫോ​ൺ വി​ളി​ക​ൾ, ഇ ​മെ​യി​ൽ തു​ട​ങ്ങി​യ ത​ട്ടി​പ്പു​കാ​രു​ടെ കെ​ണി​ക​ളി​ൽ വീ​ണ് വ്യ​ക്തി​ഗ​ത വി​വ​ര​ങ്ങ​ൾ കൈ​മാ​റ​രു​ത്.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BsQQXAGm9mT0SOeedQwTJt