Pravasi Varthakal

ഇന്ത്യക്കാരായ ബ്ലൂ കോളർ ജീവനക്കാർക്ക് ലൈഫ് ഇൻഷുറൻസ് നൽകുന്നതിന് ദുബായ് നാഷനൽ ഇൻഷുറൻസ് കമ്പനിയുമായി ഇന്ത്യൻ കോൺസുലേറ്റ് ധാരണയായി. വർഷം 32 ദിർഹമാണ് പ്രീമിയം. 35,000 ദിർഹത്തിന്റെ പരിരക്ഷ ജീവനക്കാർക്ക് ലഭിക്കും. കഴിഞ്ഞ വർഷം മറ്റൊരു കമ്പനിയുമായി ബന്ധപ്പെട്ട് ലൈഫ് ഇൻഷുറൻസ് ഏർപ്പെടുത്തിയിരുന്നു. കമ്പനികളെയും ഇൻഷുറൻസ് സ്ഥാപനത്തെയും തമ്മിൽ സഹകരിപ്പിക്കുന്ന ദൗത്യമാണ് കോൺസുലേറ്റിന്റേത്. ഇൻഷുറൻസ് എടുക്കുന്നത് കമ്പനികളാണ്. കുറഞ്ഞ പ്രീമിയം ആയതിനാൽ, തൊഴിലാളികൾക്ക് ഇത് ഗുണം ചെയ്യുമെന്ന് കോൺസൽ ജനറൽ സതീഷ്കുമാർ ശിവൻ പറഞ്ഞു. കമ്പനികളിലെ മുഴുവൻ സമയ ജീവനക്കാർക്കാണ് ഇൻഷുറൻസിൽ ചേരാൻ അർഹത.

ഇൻഷുറൻസിന്റെ സവിശേഷത
∙ കുറഞ്ഞത് 10 പേരെങ്കിലുമുണ്ടെങ്കിൽ ഗ്രൂപ്പ് ഇൻഷുറൻസിൽ ചേരാം
∙ 18 മുതൽ 69 വയസ്സുവരെയുള്ളവർക്കാണ് ഇൻഷുറൻസ് പരിരക്ഷ
∙ 12 മാസത്തേക്കാണ് കാലാവധി.
∙ യുഎഇ റസിഡൻസി വീസയുള്ളവർക്ക് ലോകത്ത് എവിടെയും ഇൻഷുറൻസിന്റെ പരിരക്ഷ ലഭിക്കും.
∙ 35000 ദിർഹമാണ് പ്രീമിയം
∙ സ്വാഭാവിക മരണത്തിന് ഉൾപ്പെടെ എല്ലാ മരണത്തിനും 35000 ദിർഹം ഇൻഷുറൻസ്
∙ പൂർണമായ അംഗവൈകല്യം സംഭവിക്കുന്നവർക്കും 35000 ദിർഹം ലഭിക്കും.
∙ മൃതദേഹം നാട്ടിൽ എത്തിക്കുന്നതിന് 12000 ദിർഹം വരെ ലഭിക്കും.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g