Pravasi Varthakal

ഉമ്മമുൽഖുവൈനിലെ ഉമ്മുൽ തൌബ് വ്യവസായമേഖലയിൽ ഫാക്ടറിയിൽ വൻ അഗ്നിബാധ. ആർക്കും പരുക്ക് റിപോർട്ട് ചെയ്തിട്ടില്ല. എന്നാൽ ഫാക്ടറി പൂർണമായും ചാമ്പലായി.ഇന്നലെയായിരുന്നു അഗ്നിബാധ. ഉടൻ സ്ഥലത്തെത്തിയ സിവിൽ ഡിഫൻസ് വിഭാഗം രക്ഷാപ്രവർത്തനം നടത്തി. ഫാക്ടറിയിലും പരിസര പ്രദേശങ്ങളിലുമുള്ള എല്ലാവരെയും സുരക്ഷിതമായി ഒഴിപ്പിച്ച ശേഷം തീ അണച്ചു.സിവിൽ ഡിഫൻസ് കമാൻഡർ ഇൻ ചീഫ് മേജർ ജനറൽ ഡോ. ജാസിം മുഹമ്മദ് അൽ മർസൂഖി, ഉമ്മുൽ ഖുവൈൻ സിവിൽ ഡിഫൻസ് ഡിപ്പാർട്ട്‌മെന്റ് ഡയറക്ടർ ബ്രി. ഡോ. സലേം ഹമദ് ബിൻ ഹംദ എന്നിവരുടെ നേതൃത്വത്തിലായിരുന്നു രക്ഷാ പ്രവർത്തനം. റാസൽ ഖൈമ, അജ്മാൻ, ഷാർജ എന്നിവിടങ്ങളിൽ നിന്നുള്ള അഗ്നിശമന സേനാംഗങ്ങളും പങ്കെടുത്തു. ഉമ്മുൽ ഖുവൈനിലെ എമർജൻസി, ക്രൈസിസ് ആൻഡ് ഡിസാസ്റ്റർ സെന്റർ, ഉമ്മുൽ ഖുവൈൻ മുനിസിപ്പാലിറ്റി, യൂണിയൻ വാട്ടർ ആൻഡ് ഇലക്ട്രിസിറ്റി കമ്പനി, നാഷണൽ ആംബുലൻസ് എന്നിവയിൽ നിന്ന് അധിക സഹായവും ലഭിച്ചു. തീ പിടിത്തത്തിന്റെ കാരണം പൊലീസ് അന്വേഷിക്കുകയാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g