യുഎഇയിലെ വിവിധ എമിറേറ്റുകൾ പാർക്കിങ് സമയം പുനഃക്രമീകരിച്ചു; നിരക്കിലും മാറ്റം, വിശദമായി അറിയാം
യുഎഇയിലെ വിവിധ എമിറേറ്റുകൾ റമദാൻ മാസത്തിൽ പാർക്കിങ്, പണമടച്ചുള്ള പാർക്കിങ് സമയം പുനഃക്രമീകരിച്ചു. എമിറേറ്റുകൾക്കനുസരിച്ച് പാർക്കിങ് സമയങ്ങളിലും നിരക്കിലും മാറ്റമുണ്ട്. ദുബായ്, ഷാർജ, അജ്മാൻ, അബുദാബി എന്നീ എമിറേറ്റുകളിലെ പാർക്കിങ് സംവിധാനങ്ങളിലാണ് മാറ്റങ്ങൾ.
ദുബായ്
ദുബായിൽ രാവിലെ 8 മുതൽ വൈകിട്ട് 6 വരെയും രാത്രി 8 മുതൽ രാത്രി 12 വരെയും പാർക്കിങ് നിരക്കുകൾ ബാധകമാണ്. ഈ ദിവസങ്ങളിൽ വൈകിട്ട് 6 മുതൽ രാത്രി 8 വരെ പാർക്കിങ് സൗജന്യമായിരിക്കും. ഞായറാഴ്ച പാർക്കിങ് പൂർണമായും സൗജന്യം. എന്നാൽ ബഹുനില പാർക്കിങ് കെട്ടിടങ്ങൾ 24/7 പ്രവർത്തിക്കും.
ഷാർജ
രാവിലെ 8 മുതൽ അർധരാത്രി 12 മണി വരെ പാർക്കിങ് നിരക്ക് നൽകണം. സാധാരണ മാസങ്ങളിൽ രാവിലെ 8 മുതൽ രാത്രി 10 വരെയുള്ള പണമടച്ചുള്ള പാർക്കിങ് രണ്ട് മണിക്കൂർ നീട്ടി അർദ്ധരാത്രി 12 മണി വരെയാക്കി. വെള്ളിയാഴ്ച പതിവുപോലെ പാർക്കിങ് സൗജന്യമായി തുടരും.
അജ്മാൻ
രാവിലെ 9 മുതൽ ഉച്ചയ്ക്ക് 1 വരെയും രാത്രി 8 മുതൽ 12 വരെയുമാണ് അജ്‌മാനിൽ റമസാനിലെ പാർക്കിങ് നിരക്ക്. ഉച്ചയ്ക്ക് 1 മുതൽ രാത്രി 8 വരെയുള്ള സമയത്ത് പാർക്കിങ് സൗജന്യമായിരിക്കും.
അബുദാബി
അബുദാബിയിലെ പണം നൽകിയുള്ള പാർക്കിങ് സമയത്തിൽ മാറ്റമില്ല. രാവിലെ 8 മുതൽ 12 വരെ പാർക്കിങ് നിരക്ക് ഈടാക്കും. എന്നാൽ ദർബ് ടോൾ ഗേറ്റിൽ നിരക്ക് ഈടാക്കുന്ന സമയത്തിൽ മാറ്റമുണ്ട്.
തിങ്കൾ മുതൽ ശനിയാഴ്ച വരെ, രാവിലെ 8 മുതൽ 10 വരെയും ഉച്ചയ്ക്ക് 2 മുതൽ 4 വരെയും വാഹനമോടിക്കുന്നവരിൽ നിന്ന് ടോൾ നിരക്ക് ഈടാക്കും. ഞായറാഴ്ച, ടോൾ ഗേറ്റ് സംവിധാനം സൗജന്യമായി തുടരും.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)