Pravasi Varthakal

ദോ​ഹ: ത​ണു​പ്പ്കാ​ല​ത്തി​ന് ആ​വേ​ശ​മാ​യി നാ​ടൊ​ന്നാ​കെ ഉ​ത്സ​വഛാ​യ തീ​ർ​ത്ത ആ​ഘോ​ഷ​ങ്ങ​ൾ​ക്ക് അ​വ​ധി ന​ൽ​കി ഖ​ത്ത​ർ ഉ​ൾ​പ്പെ​ടെ പ്ര​വാ​സ ലോ​ക​ത്തെ വി​ശ്വാ​സി​ക​ൾ റ​മ​ദാ​നി​ന്റെ വി​ശു​ദ്ധ നാ​ളു​ക​ളി​ലേ​ക്ക്. നാ​ട്ടി​ൽ ഞാ​യ​റാ​ഴ്ച​യാ​ണ് നോ​മ്പി​ന് തു​ട​ക്ക​മെ​ങ്കി​ലും ഖ​ത്ത​റി​ലെ പ്ര​വാ​സി​ക​ൾ ഒ​രു​ദി​വ​സം മു​മ്പേ ​റ​മ​ദാ​നി​ലേ​ക്ക് പ്ര​വേ​ശി​ക്കു​ക​യാ​ണ്.

വെ​ള്ളി​യാ​ഴ്ച ശ​അ്ബാ​ൻ 29 തി​ക​ഞ്ഞ​തി​നു പി​ന്നാ​ലെ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ച​ന്ദ്ര​പ്പി​റ​വി നി​രീ​ക്ഷി​ക്കാ​ൻ ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യ​ത്തി​ന്റെ മാ​സ​പ്പി​റ​വി ക​മ്മി​റ്റി സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നു.

മാ​സ​പ്പി​റ​വി ദൃ​ശ്യ​മാ​യ​തി​ന്റെ അ​ടി​സ്ഥാ​ന​ത്തി​ൽ ശ​നി​യാ​ഴ്ച റ​മ​ദാ​ൻ വ്ര​തം ആ​രം​ഭി​ക്കു​ന്ന​താ​യി ഔ​ഖാ​ഫ് ആ​സ്ഥാ​ന​ത്ത് ചേ​ർ​ന്ന യോ​ഗ​ത്തി​നു പി​ന്നാ​ലെ അ​ധി​കൃ​ത​ർ അ​റി​യി​ച്ചു.

റ​മ​ദാ​നെ വ​ര​വേ​ൽ​ക്കു​ന്ന​തി​ന്റെ ഭാ​ഗ​മാ​യി വി​പു​ല​മാ​യ സം​വി​ധാ​ന​ങ്ങ​ളാ​ണ് മ​ന്ത്രാ​ല​യ​ങ്ങ​ളു​ടെ​യും മ​റ്റും നേ​തൃ​ത്വ​ത്തി​ൽ ഒ​രു​ക്കി​യ​ത്. 2385 പ​ള്ളി​ക​ളി​ൽ ത​റാ​വീ​ഹ് ന​മ​സ്കാ​ര​ത്തി​ന് സൗ​ക​ര്യ​മൊ​രു​ക്കി​യി​രു​ന്നു. മാ​സ​പ്പി​റ​വി​ക്കു പി​ന്നാ​ലെ വെ​ള്ളി​യാ​ഴ്ച രാ​ത്രി​യോ​ടെ ത​റാ​വീ​ഹ് ന​മ​സ്കാ​ര​വും ആ​രം​ഭി​ച്ചു.

ഔ​ഖാ​ഫി​നു കീ​ഴി​ൽ 24 ഇ​ട​ങ്ങ​ളി​ൽ ഇ​ഫ്താ​ർ ടെ​ന്റു​ക​ൾ ഇ​ത്ത​വ​ണ സ​ജ്ജ​മാ​ണ്. ഖ​ത്ത​ർ ചാ​രി​റ്റി ഉ​ൾ​പ്പെ​ടെ സം​വി​ധാ​ന​ങ്ങ​ളു​ടെ നേ​തൃ​ത്വ​ത്തി​ലും ഇ​ഫ്താ​ർ സൗ​ക​ര്യ​ങ്ങ​ളു​ണ്ട്. പ്ര​തി​ദി​നം 30,000ത്തോ​ളം പേ​രെ വ​രെ ഔ​ഖാ​ഫി​നു കീ​ഴി​ൽ നോ​മ്പ് തു​റ​പ്പി​ക്കാ​നാ​ണ് അ​ധി​കൃ​ത​ർ സ​ജ്ജീ​ക​ര​ണ​ങ്ങ​ൾ ഒ​രു​ക്കു​ന്ന​ത്.

പ​ള്ളി​ക​ളും ക​മ്യൂ​ണി​റ്റി സെ​ന്റ​റു​ക​ളും കേ​ന്ദ്രീ​ക​രി​ച്ച് റ​മ​ദാ​ൻ പ്ര​ഭാ​ഷ​ണ​ങ്ങ​ളും മ​ത്സ​ര​ങ്ങ​ളും മ​റ്റു​മാ​യും ഒ​രു​മാ​സ​ക്കാ​ലം സ​ജീ​വ​മാ​ക്കു​ക​യാ​ണ് അ​ധി​കൃ​ത​ർ.