Pravasi Varthakal

ദോ​ഹ: ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഭീ​തി പ​ര​ത്തു​ന്ന എം​പോ​ക്സ് വൈ​റ​സ് (ക​രു​ങ്ങു​പ​നി) ഖ​ത്ത​റി​ൽ റി​പ്പോ​ർ​ട്ട് ചെ​യ്തി​ട്ടി​ല്ലെ​ന്ന് പൊ​തു​ജ​നാ​രോ​ഗ്യ മ​ന്ത്രാ​ല​യം. രാ​ജ്യ​ത്തെ പൊ​തു-​സ്വ​കാ​ര്യ ആ​രോ​ഗ്യ മേ​ഖ​ല​ക​ളി​ൽ എം​പോ​ക്സ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ അ​തി ജാ​ഗ്ര​ത പാ​ലി​ക്കു​ന്ന​താ​യും, സം​ശ​യി​ക്ക​പ്പെ​ടു​ന്ന​തോ സ്ഥി​രീ​ക​രി​ച്ച​തോ ആ​യ കേ​സു​ക​ൾ റി​പ്പോ​ർ​ട്ട്‌ ചെ​യ്താ​ൽ കൈ​കാ​ര്യം ചെ​യ്യാ​നു​ള്ള ത​യാ​റെ​ടു​പ്പു​ക​ള്‍ മ​ന്ത്രാ​ല​യം ന​ട​ത്തി​യ​താ​യും അ​ധി​കൃ​ത​ർ അ​റി​യി​ച്ചു.

ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ല്‍ എം​പോ​ക്സ് വൈ​റ​സ് ബാ​ധ സ്ഥി​രീ​ക​രി​ച്ച​തോ​ട‌െ ലോ​കാ​രോ​ഗ്യ സം​ഘ​ട​ന ആ​രോ​ഗ്യ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചി​രു​ന്നു. ഈ ​പ​ശ്ചാ​ത്ത​ല​ത്തി​ലാ​ണ് ഖ​ത്ത​ര്‍ എം​പോ​ക്സ് മു​ക്ത​മാ​ണെ​ന്ന് പൊ​തു​ജ​നാ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി​യ​ത്. രോ​ഗം സ്ഥി​രീ​ക​രി​ച്ച രാ​ജ്യ​ങ്ങ​ളി​ൽ​നി​ന്ന് ഖ​ത്ത​റി​ലേ​ക്ക് വ​രു​ന്ന​വ​രി​ൽ എം​പോ​ക്സ് കേ​സു​ക​ൾ ഇ​ല്ലെ​ന്ന് ഉ​റ​പ്പാ​ക്കാ​ൻ ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്.

മ​ധ്യ​വേ​ന​ല​വ​ധി ക​ഴി​ഞ്ഞ് ആ​ഫ്രി​ക്ക​ൻ മേ​ഖ​ല​യി​ൽ നി​ന്നു​ൾ​പ്പെ​ടെ നി​ര​വ​ധി പേ​ർ ഖ​ത്ത​റി​ലേ​ക്ക് തി​രി​ച്ചെ​ത്തു​ന്ന സ​മ​യം കൂ​ടി​യാ​ണി​ത്. ആ​ഫ്രി​ക്ക​ൻ മേ​ഖ​ല​യി​ലെ രാ​ജ്യ​ങ്ങ​ളി​ലേ​ക്ക് അ​ടു​ത്തി​ടെ യാ​ത്ര ചെ​യ്യു​ക​യോ വൈ​റ​സ് ബാ​ധി​ച്ച​വ​രു​മാ​യി അ​ടു​ത്ത ബ​ന്ധം പു​ല​ർ​ത്തു​ക​യോ ചെ​യ്ത​വ​രി​ലാ​ണ് കൂ​ടു​ത​ലാ​യി രോ​ഗം റി​പ്പോ​ര്‍ട്ട് ചെ​യ്തി​ട്ടു​ള്ള​ത്.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/C7egAwSvOtY4DVc9SwYyfK