Pravasi Varthakal

ദോ​ഹ: ഒ​മ്പ​ത് ദി​വ​സ​ത്തെ പെ​രു​ന്നാ​ൾ അ​വ​ധി​ക്ക് സ്വ​ദേ​ശി​ക​ളും വ​ലി​യൊ​രു വി​ഭാ​ഗം പ്ര​വാ​സി​ക​ളും ഞാ​യ​റാ​ഴ്ച മു​ത​ൽ വീ​ണ്ടും ജോ​ലി​ത്തി​ര​ക്കി​ലേ​ക്ക്. പൊ​ലീ​സ്, ആ​രോ​ഗ്യ മ​ന്ത്രാ​ല​യം ഉ​ൾ​പ്പെ​ടെ അ​ടി​യ​ന്ത​ര സേ​വ​ന വി​ഭാ​ഗ​ങ്ങ​ൾ ഒ​ഴി​കെ സ​ർ​ക്കാ​ർ, അ​ർ​ധ സ​ർ​ക്കാ​ർ സ്ഥാ​പ​ന​ങ്ങ​ൾ​ക്ക് അ​ഞ്ച് ദി​വ​സ​മാ​യി​രു​ന്നു പെ​രു​ന്നാ​ൾ അ​വ​ധി. ഇ​തി​നു മു​മ്പും ശേ​ഷ​വും ര​ണ്ട് വാ​രാ​ന്ത്യ അ​വ​ധി​ക​ൾ കൂ​ടി​യാ​യ​തോ​ടെ​യാ​ണ് ഒ​മ്പ​ത് ദി​വ​സം അ​ടു​പ്പി​ച്ച് അ​വ​ധി ല​ഭി​ച്ച​ത്.

സ്വ​കാ​ര്യ മേ​ഖ​ല​യി​ൽ 16, 17, 18 തീ​യ​തി​ക​ളി​ലാ​യി​രു​ന്നു പെ​രു​ന്നാ​ൾ അ​വ​ധി. വാ​രാ​ന്ത്യ അ​വ​ധി കൂ​ടി ചേ​ർ​ത്ത് അ​വ​ർ​ക്ക് അ​ഞ്ച് ദി​വ​സം ഒ​ഴി​വ് ല​ഭി​ച്ചു. സ​ർ​ക്കാ​ർ സ്ഥാ​പ​ന​ങ്ങ​ൾ​ക്കൊ​പ്പം സ്വ​കാ​ര്യ സ്ഥാ​പ​ന​ങ്ങ​ൾ​ക്കും നീ​ണ്ട അ​വ​ധി ല​ഭി​ച്ച​ത് വ്യാ​പാ​ര മേ​ഖ​ല​യെ ബാ​ധി​ച്ചി​രു​ന്നു. ഇ​നി വി​പ​ണി കൂ​ടു​ത​ൽ സ​ജീ​വ​മാ​കും.

രാ​വി​ലെ ഏ​ഴു​മു​ത​ൽ എ​ട്ടു​വ​രെ​യും വൈ​കീ​ട്ട് ഓ​ഫി​സ് സ​മ​യം ക​ഴി​ഞ്ഞു​ള്ള നേ​ര​ത്തും റോ​ഡി​ൽ തി​ര​ക്ക് അ​നു​ഭ​വ​പ്പെ​ടും. വെ​സ്റ്റ് ബേ​യി​ലെ ഉ​ൾ​പ്പെ​ടെ തൊ​ഴി​ലാ​ളി​ക​ൾ പോ​യി വ​രു​ന്ന​തി​നാ​ൽ മെ​ട്രോ സ​ജീ​വ​മാ​കും. ഓ​ൺ​ലൈ​നാ​യി ചെ​യ്യാ​ൻ ക​ഴി​യാ​ത്ത സ​ർ​ക്കാ​ർ സേ​വ​ന​ങ്ങ​ൾ​ക്ക് ദീ​ർ​ഘ അ​വ​ധി ചെ​റി​യ പ്ര​യാ​സം ഉ​ണ്ടാ​ക്കി​യി​രു​ന്നു. ഇ​ത് പ​രി​ഹ​രി​ക്ക​പ്പെ​ടു​ന്ന​ത് ആ​ശ്വാ​സ​മാ​ണ്. അ​തേ​സ​മ​യം, അ​ടു​ത്ത ദി​വ​സ​ങ്ങ​ളി​ൽ സ​ർ​ക്കാ​ർ ഓ​ഫി​സു​ക​ളി​ൽ ന​ല്ല തി​ര​ക്ക് അ​നു​ഭ​വ​പ്പെ​ടും.

അ​വ​ധി ഉ​പ​യോ​ഗി​ച്ച് ധാ​രാ​ളം പ്ര​വാ​സി​ക​ൾ നാ​ട്ടി​ൽ പോ​യി​രു​ന്നു. നി​ര​വ​ധി സ്വ​ദേ​ശി​ക​ൾ വി​ദേ​ശ സ​ഞ്ചാ​ര​വും ന​ട​ത്തി. ഇ​ത് വി​മാ​ന​ത്താ​വ​ള​ത്തി​ൽ തി​ര​ക്കി​ന് കാ​ര​ണ​മാ​യി. നാ​ട്ടി​ൽ പോ​യ​വ​രും അ​വ​ധി ആ​ഘോ​ഷി​ക്കാ​ൻ മ​റ്റു രാ​ജ്യ​ങ്ങ​ളി​ൽ പോ​യ​വ​രും ശ​നി​യാ​ഴ്ച ത​ന്നെ തി​രി​ച്ചെ​ത്തി​യി​ട്ടു​ണ്ട്. ഞാ​യ​റാ​ഴ്ച രാ​വി​ലെ എ​ത്തു​ന്ന​വ​രും ഉ​ണ്ട്. വി​മാ​ന​ത്താ​വ​ള​ത്തി​ലെ തി​ര​ക്ക് ഞാ​യ​റാ​ഴ്ച രാ​വി​ലെ​യോ​ടെ കു​റ​യും. നീ​ണ്ട അ​വ​ധി​യു​ണ്ടാ​യി​ട്ടും ഉ​യ​ർ​ന്ന വി​മാ​ന നി​ര​ക്ക് കാ​ര​ണം നാ​ട്ടി​ൽ പോ​വാ​ൻ ക​ഴി​യാ​ത്ത​വ​രും നി​ര​വ​ധി​യാ​യി​രു​ന്നു.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം
അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/JkR9U6InFwxGVIqwxUdasU