ഖത്തർ ലോകകപ്പിന്റെ ആരോഗ്യ മാതൃക പകർത്തി ലോകാരോഗ്യ സംഘടന
ദോഹ: ഭാവിയിലെ പ്രധാനപ്പെട്ട കായിക ചാമ്പ്യൻഷിപ്പുകളിൽ ആരോഗ്യകരമായ അന്തരീക്ഷം മെച്ചപ്പെടുത്തുന്നതിന് പുതിയ മാർഗനിർദേശങ്ങൾ പുറത്തിറക്കാൻ ലോകാരോഗ്യ സംഘടന. 2022ലെ ഖത്തർ ലോകകപ്പിൽ നടപ്പാക്കിയ ആരോഗ്യ നടപടികളിൽനിന്ന് പ്രചോദനമുൾക്കൊണ്ടാണ് പുതിയ ചുവടുവെപ്പ്. ആഗോളതലത്തിൽ നടക്കുന്ന ഭാവി കായിക ചാമ്പ്യൻഷിപ്പുകൾക്ക് അറബ്, ഗൾഫ് രാജ്യങ്ങളിൽ നടക്കുന്ന ആദ്യ പ്രധാന കായിക ടൂർണമെന്റ് മാതൃകയാകുന്നുവെന്നത് അതിന്റെ ലെഗസി പദ്ധതികളിൽ പുതിയ അധ്യായം കുറിക്കും.
ഭാവി കായിക ചാമ്പ്യൻഷിപ്പുകൾക്കായി ലോകാരോഗ്യ സംഘടനയും ഖത്തർ പൊതുജനാരോഗ്യ മന്ത്രാലയവും തമ്മിലുള്ള പുതിയ പങ്കാളിത്തം, 2022ലെ ഖത്തർ ലോകകപ്പ് സമയത്ത് ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിന് നടപ്പാക്കിയ ഇരുകക്ഷികളുടെയും മുൻ സഹകരണത്തിന്റെ ഫലമായാണ് വിലയിരുത്തപ്പെടുന്നത്.
കായിക ചാമ്പ്യൻഷിപ്പുകളിൽ ഭക്ഷണത്തിന്റെ ഗുണനിലവാരവും ഭക്ഷണവുമായി ബന്ധപ്പെട്ട ക്രമീകരണവും മെച്ചപ്പെടുത്തുന്നതിൽ ആരോഗ്യ സംഘടനയുടെ പുതിയ ഗൈഡ് കൂടുതൽ ശ്രദ്ധ കേന്ദ്രീകരിക്കും.
ഖത്തർ ലോകകപ്പിൽ സ്റ്റേഡിയങ്ങൾക്കുള്ളിൽ വിതരണം ചെയ്യുന്ന ഭക്ഷണത്തിന്റെ 30 ശതമാനവും ആരോഗ്യകരമായ പോഷകാഹാര മാനദണ്ഡങ്ങൾക്കനുസൃതമായിരുന്നു.ലോകാരോഗ്യ സംഘടനക്ക് കീഴിലുള്ള പോഷകാഹാര-ഭക്ഷ്യസുരക്ഷ വകുപ്പ് കായിക ചാമ്പ്യൻഷിപ്പുകളിൽ ആരോഗ്യകരമായ ഭക്ഷണവും ഭക്ഷണ അന്തരീക്ഷവും എന്ന തലക്കെട്ടിൽ പുതിയ പ്രവർത്തനാധിഷ്ഠിത കൈപ്പുസ്തകം പുറത്തിറക്കി.
👆👆
ഖത്തറിലെ വാർത്തകളും തൊഴിലവസരങ്ങളും അറിയാൻ വാട്സ്ആപ്പ് ഗ്രൂപ്പിൽ “അംഗമാകാം…👇 https://chat.whatsapp.com/KLIm4rO89MHGFOFpY3hqQA
Comments (0)