ഖത്തറിന്റെ കഥപറഞ്ഞ് ഒസാകയിലെ പവിലിയൻ
ദോഹ: ലോകം ഒഴുകിയെത്താൻ ഒരുങ്ങുന്ന ജപ്പാനിലെ ഒസാക വേൾഡ് എക്സ്പോ വേദിയിൽ തലയെടുപ്പോടെ ഖത്തറിന്റെ പവിലിയൻ. ഈയാഴ്ച തുടക്കം കുറിച്ച് ഈ വർഷം ഒക്ടോബർ 13 വരെ ആറു മാസത്തോളം നീണ്ടുനിൽക്കുന്ന ലോക എക്സ്പോ വേദിയിൽ ഖത്തറിന്റെ ചരിത്രവും പൈതൃകവും വികസന കുതിപ്പുമെല്ലാം അടയാളപ്പെടുത്തി ക്കൊണ്ടാണ് ഖത്തർ പവിലിയൻ സന്ദർശകർക്കായി വാതിലുകൾ തുറന്ന് കാത്തിരിക്കുന്നത്.
158 രാജ്യങ്ങൾ പങ്കെടുക്കുന്ന, ആറു മാസംകൊണ്ട് 2.8 കോടി സന്ദർശകരെ പ്രതീക്ഷിക്കുന്ന ലോകമേളയിൽ ഖത്തറിന്റെ വിശേഷങ്ങളെല്ലാം പ്രദർശിപ്പിക്കാൻ സാധ്യമാകും വിധം നിർമിച്ച പവിലിയനും ശ്രദ്ധ നേടി.
563 കിലോമീറ്റർ ദൈർഘ്യത്തിൽ 90 ശതമാനവും കടലിനാൽ ചുറ്റപ്പെട്ട രാജ്യത്തിന്റെ ഭൂമിശാസ്ത്രവും ചരിത്രവും പൈതൃകവുമെല്ലാം ഉൾക്കൊണ്ടുകൊണ്ടാണ് വെള്ളനിറത്തിൽ തലയെടുപ്പോടെ ഖത്തർ പവിലിയൻ ഉയർന്നു നിൽക്കുന്നത്. ഖത്തർ വാണിജ്യ, വ്യവസായ മന്ത്രാലയം കമീഷൻ ചെയ്ത് പൂർത്തിയാക്കിയ പവിലിയൻ ഖത്തർ മ്യൂസിയംസിനു കീഴിലെ ഖത്തർ ബ്ലൂ പ്രിന്റ് ആണ് തയാറാക്കിയത്.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BsQQXAGm9mT0SOeedQwTJt
Comments (0)