ഹത്ത ഡാമിൽ നഷ്ടപ്പെട്ട വിനോദ സഞ്ചാരിയുടെ മാല കണ്ടെത്തി യുഎഇ പൊലീസ്
ഹത്ത ഡാമിൽ വിനോദ സഞ്ചാരിയുടെ നഷ്ടപ്പെട്ട മാല ദുബായ് പൊലീസിലെ മുങ്ങൽ വിദഗ്ധർ കണ്ടെത്തി. ഡാമിന്റെ ആഴങ്ങളിൽ നിന്നാണ് വിദേശ വനിതയുടെ വിലകൂടിയ മാല മറൈൻ റെസ്ക്യൂ യൂണിറ്റ് കണ്ടെത്തിയത്. മാല നഷ്ടപ്പെട്ടതായി ടൂറിസ്റ്റ് സ്റ്റേഷനിൽ വനിതാ വിനോദ സഞ്ചാരി റിപ്പോർട്ട് ചെയ്തതായി തുറമുഖ പൊലീസ് സ്റ്റേഷൻ ആക്ടിങ് ഡയറക്ടർ കേണൽ അലി അബ്ദുല്ല അൽ നഖ്ബി പറഞ്ഞു. മറൈൻ റെസ്ക്യൂ ടീമുകൾ ഉടൻ തന്നെ തിരച്ചിൽ ആരംഭിക്കുകയും മാല വീണ്ടെടുത്ത് വിനോദസഞ്ചാരിക്ക് തിരികെ നൽകുകയും ചെയ്തു.മറൈൻ റെസ്ക്യൂ യൂണിറ്റ് സാധാരണയായി അടിയന്ത സാഹചര്യങ്ങൾ, അപകടങ്ങൾ, സമുദ്രവുമായി ബന്ധപ്പെട്ട മറ്റു സംഭവങ്ങൾ എന്നിവയോട് കൃത്യമായി പ്രതികരിക്കാറുണ്ട്. പൊതുജനങ്ങൾക്ക് സന്തോഷം നൽകുന്നതിനായി ടീം എല്ലായ്പ്പോഴും പ്രതീക്ഷകൾക്കപ്പുറത്തേക്ക് പോകാൻ ശ്രമിക്കുന്നുവെന്നും അദ്ദേഹം പറഞ്ഞു. ജല വിനോദങ്ങൾക്ക് പോകുമ്പോ(ൾ വിലപിടിപ്പുള്ള വസ്തുക്കൾ കൊണ്ടുപോകുന്നത് ഒഴിവാക്കാൻ പൊതുജനങ്ങളോട് അഭ്യർഥിച്ചു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)