Pravasi Varthakal

തെറ്റ് ചെയ്തവർ ശിക്ഷിക്കപ്പെടണം, അതിപ്പോ സ്വന്തം അമ്മയാണെങ്കിലും. ഇതിൽ ഉറച്ച് വിശ്വസിക്കുന്ന ഒരു നാലു വയസ്സുകാരനുണ്ട് യുഎസിലെ വിസ്കോൻസെനിൽ. ഇന്ന് സമൂഹ മാധ്യമത്തിലെ താരവും ഈ കൊച്ചുമിടുക്കനാണ്.വിസ്കോൻസെനിലെ മൗണ്ട് പ്ലസന്റ് ഗ്രാമത്തിലെ ഒരു വീട്ടിൽ നിന്നും പൊലീസിന് ഒരു കോൾ ലഭിച്ചു. ‘എന്റെ അമ്മയെ അറസ്റ്റ് ചെയ്യണം, അമ്മ തെറ്റുകാരിയാണ്’.

കാര്യം തിരക്കിയപ്പോഴാണ് തന്റെ ഐസ്ക്രീം അമ്മ കഴിച്ചെന്ന് നാലു വയസ്സുകാരൻ പൊലീസിനോട് പറയുന്നത്. തന്നോട് ചോദിക്കാതെ താൻ കഴിക്കാൻ മാറ്റിവച്ചിരുന്ന ഐസ്ക്രീം അമ്മ കഴിച്ചു, അത്ര വേഗം ക്ഷമിക്കാൻ കഴിയുന്ന തെറ്റല്ല ഇതെന്നും കുട്ടി പറഞ്ഞു.

ഫോൺ കോളിനെ തുടർന്ന് മൗണ്ട് പ്ലസന്റ് പൊലീസ് ഉദ്യോഗസ്ഥരായ ഗാർഡിനിയറെയും ഓസ്റ്റർഗാർഡും കുട്ടിയുടെ വീട്ടിലെത്തി. അധികൃതർ എത്തിയപ്പോൾ കുട്ടിയുടെ മനം മാറി. തന്റെ ഐസ്ക്രീം അമ്മ കഴിച്ചതിൽ ദേഷ്യമുണ്ടെന്നും എന്നാൽ അതിന്റെ പേരിൽ അമ്മ ജയിലിൽ പോകുന്നത് കാണാൻ ആഗ്രഹിക്കുന്നില്ലെന്നും കുട്ടി പൊലീസിനോട് പറഞ്ഞു.

സംഭവത്തിന് തൊട്ടടുത്ത ദിവസം, ഉദ്യോഗസ്ഥർ വീണ്ടും കുട്ടിയുടെ വീട്ടിലെത്തി. ഇക്കുറി കുട്ടിക്കായി കയ്യിൽ ഐസ്ക്രീമും അവർ കരുതിയിരുന്നു. രസകരമായ സംഭവം മൗണ്ട് പ്ലസന്റ് പൊലീസ് ഡിപ്പാ‍ട്ട്മെന്റാണ് സമൂഹ മാധ്യമത്തിൽ പങ്കുവച്ചത്. നിമിഷം നേരം കൊണ്ട് പോസ്റ്റ് വൈറലായി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

നിരക്കറിഞ്ഞ് നാട്ടിലേക്ക് പണം അയക്കൂ; വിനിമയ നിരക്ക് ദിവസേന എളുപ്പത്തിൽ അറിയാൻ ഇതാ ഒരു കിടിലൻ ആപ്പ്