എഎഫ്‌സി ചാമ്പ്യൻസ് ലീഗ്: ക്രിസ്റ്റ്യാനോയും സംഘവും ഖത്തറിൽ
ദോഹ: എഎഫ്‌സി ചാമ്പ്യൻസ് ലീഗ് ഫുട്‌ബോൾ മത്സരത്തിനായി ക്രിസ്റ്റ്യാനോ റൊണാൾഡോയും സംഘവും ഖത്തറിലെത്തി. ഇന്ന് വൈകിട്ട് ഏഴ് മണിക്കാണ് അൽഗറാഫയുമായുള്ള മത്സരം. സൗദി പ്രൊലീഗിൽ അൽ ഖാദിസിയയോട് തോറ്റതിന്റെ ക്ഷീണവുമായാണ് റൊണാൾഡോയും സംഘവും ഖത്തറിൽ പന്ത് തട്ടാനിറങ്ങുന്നത്. മത്സരത്തിൽ റൊണാൾഡോ ലീഡ് സമ്മാനിച്ചിട്ടും ടീം 2-1ന് തോറ്റിരുന്നു.
ചാമ്പ്യൻസ് ലീഗിൽ നാലിൽ മൂന്ന് ജയവും ഒരു സമനിലയുമായി മികച്ച പ്രകടനമാണ് അൽ നസ്ർ നടത്തുന്നത്. ശക്തമായ പോരാട്ടം നടക്കുന്ന ഗ്രൂപ്പിൽ നിന്നും നോക്കൗട്ട് കടക്കണമെങ്കിൽ ഓരോ മത്സരവും നിർണായകമാണ്. ക്രിസ്റ്റ്യാനോ റൊണാൾഡോ, സാദിയോ മാനെ തുടങ്ങിയ സൂപ്പർ താരങ്ങളെയെല്ലാം ടീം അൽ ഗറാഫയ്‌ക്കെതിരെ അണിനിരത്തുമെന്ന് ഉറപ്പ്. അൽ ബെയ്ത്ത് സ്റ്റേഡിയത്തിലാണ് മത്സരം.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BOByB6myzyU1Fatwu5qtIZ
Comments (0)