Pravasi Varthakal

ഖത്തർ അടക്കം വിവിധ രാജ്യങ്ങളിലേക്ക് കടത്താൻ ശ്രമിച്ച മാരകമായ മയക്കുമരുന്നുകൾ പിടികൂടി. ലാഗോസിലെയും അബുജയിലെയും വിമാനത്താവളങ്ങളിലൂടെ മയക്കുമരുന്ന് കടത്താനുള്ള നിരവധി ശ്രമങ്ങൾ നൈജീരിയയിലെ നാഷണൽ ഡ്രഗ് ലോ എൻഫോഴ്‌സ്‌മെൻ്റ് ഏജൻസി (എൻഡിഎൽഇഎ) പരാജയപ്പെടുത്തി. രഹസ്യാന്വേഷണത്തിൻ്റെ അടിസ്ഥാനത്തിൽ നടത്തിയ ഈ ഓപ്പറേഷനുകളിലൂടെ വിവിധ നിരോധിത മയക്കുമരുന്നുകൾ പിടിച്ചെടുക്കുകയും പ്രതികളെ പിടികൂടുകയും ചെയ്‌തു. അബുജയിൽ, രഹസ്യാന്വേഷണത്തെ തുടർന്ന് ലുഗ്ബെയിലെ ഫെഡറൽ ഹൗസിംഗ് അതോറിറ്റി എസ്റ്റേറ്റിലെ ഹോട്ടൽ മുറിയിൽ എൻഡിഎൽഇഎ ഉദ്യോഗസ്ഥർ നടത്തിയ റെയ്‌ഡിൽ 1.8 കിലോഗ്രാം മെത്താംഫെറ്റാമൈൻ എന്ന മയക്കുമരുന്ന് കണ്ടെത്തുകയും രണ്ടു പേരെ അറസ്റ്റ് ചെയ്യുകയുമുണ്ടായി. മയക്കുമരുന്ന് ഖത്തറിലേക്ക് അയക്കാനുള്ള തയ്യാറെടുപ്പിലായിരുന്നു പ്രതികളെന്നാണ് റിപ്പോർട്ട്.

ലാഗോസിലെ മുർത്താല മുഹമ്മദ് ഇൻ്റർനാഷണൽ എയർപോർട്ടിലും സമാനമായ പ്രവർത്തനങ്ങൾ നടത്തി, അവിടെ കൊക്കെയ്ൻ, ട്രമാഡോൾ, മറ്റ് നിരോധിത വസ്തുക്കൾ എന്നിവ തടഞ്ഞു. ഫ്രാങ്ക്ഫർട്ട് വഴി യുണൈറ്റഡ് കിങ്‌ഡത്തിലേക്ക് പോവുകയായിരുന്ന 4.4 കിലോഗ്രാം കൊക്കെയ്ൻ പിടിച്ചെടുത്ത് ഒരാളെ അറസ്റ്റ് ചെയ്‌തു.. മറ്റൊരു ഓപ്പറേഷനിൽ, ഭക്ഷണത്തിൽ ഒളിപ്പിച്ച് ഒപിയോയിഡുകൾ ഇറ്റലിയിലേക്കു കടത്താൻ ശ്രമിച്ച ഒരാളെ പിടികൂടി. ഇതിനു പുറമെ ലഗേജിൽ ഒളിപ്പിച്ച 1100-ലധികം ട്രമാഡോൾ ഗുളികകളുമായി തുർക്കിയിലേക്ക് പോയ ഒരാളെയും അറസ്റ്റ് ചെയ്‌തു.ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BOByB6myzyU1Fatwu5qtIZ