Pravasi Varthakal

അബുദാബി: അബുദാബി ബി​ഗ് ടിക്കറ്റിൽ മലയാളികൾക്ക് വീണ്ടും ഭാ​ഗ്യം. ബിഗ് ടിക്കറ്റിൻറെ ഏറ്റവും പുതിയ നറുക്കെടുപ്പിൽ ഭാ​ഗ്യം സ്വന്തമാക്കിയത്. നറുക്കെടുപ്പിൽ ഗ്രാൻഡ് പ്രൈസ് സ്വന്തമാക്കിയത് മലയാളിയായ പ്രിൻസ് കോലശ്ശേരി സെബാസ്റ്റ്യനാണ്. ഒമ്പത് സുഹൃത്തുക്കൾക്കൊപ്പം പ്രിൻസ് വാങ്ങിയ ടിക്കറ്റാണ് 20 മില്യൻ ദിർഹം (46 കോടിയോളം ഇന്ത്യൻ രൂപ) നേടിക്കൊടുത്തത്. എന്നാൽ ഇത്തവണത്തെ വിജയത്തിൽ ഒരു പ്രത്യേകത കൂടിയുണ്ട്. ഈ ടിക്കറ്റ് വാങ്ങിയ പ്രിൻസ് ഉൾപ്പെടുന്ന പത്തംഗ സംഘത്തിലെ ഒരാളുടെ വിവാഹമാണ് വെള്ളിയാഴ്ച. വിവാഹത്തിന് തൊട്ടുമുമ്പാണ് ഇദ്ദേഹത്തിന് വമ്പൻ ഭാഗ്യം കൈവന്നിരിക്കുന്നത്. 197281 എന്ന ടിക്കറ്റ് നമ്പരാണ് പ്രിൻസ് ഉൾപ്പെടെയുള്ള 10 പേരെ കോടീശ്വരന്മാരാക്കിയത്. സംഘത്തിൽ ഒരു തമിഴ്നാട് സ്വദേശി ഒഴിച്ച് ബാക്കിയെല്ലാവരും മലയാളികളാണെന്നതും പ്രത്യേകതയാണ്.

ഗ്രാൻഡ് പ്രൈസ് ലഭിച്ചതിന് ശേഷമുള്ള പ്രതികരണം ചോദിച്ചപ്പോൾ സാധാരണ പോലെ താൻ ജോലിക്കെത്തിയെന്നാണ് പ്രിൻസ് ഗൾഫ് ന്യൂസിനോട് പറഞ്ഞത്. ഫെസിലിറ്റീസ് എഞ്ചിനീയറായി ജോലി ചെയ്യുന്ന പ്രിൻസിന് വ്യത്യസ്ത സ്ഥലങ്ങളിൽ ജോലി ചെയ്യേണ്ടതുണ്ട്. സ്കൂളുകളിലായിരിക്കും കൂടുതലും ജോലി. ഈ സ്കൂളിൽ തന്നെയാണ് വിജയികളായ ചിലരും ജോലി ചെയ്യുന്നത്. വിജയിച്ചവരിൽ തൻറെ താമസസ്ഥലത്തിന് സമീപത്ത് താമസിക്കുന്ന സമ്മാന വിവരം അറിഞ്ഞ രാത്രി വീട്ടിൽ എത്തിയെന്നും മറ്റ് ചിലർ അവധിക്ക് പോയിരിക്കുകയാണെന്നും പ്രിൻസ് പറഞ്ഞു. ഈ വെള്ളിയാഴ്ച വിവാഹിതനാകുന്നയാളും നാട്ടിൽ പോയിരിക്കുകയാണെന്നും പ്രിൻസ് പറഞ്ഞു. വിജയികളായവരിൽ ഭൂരിഭാഗം പേരും മലയാളികളാണ്. ഒരാൾ തമിഴ്നാട് സ്വദേശിയാണ്. സമ്മാനം നേടിയ എല്ലാവർക്കും ആവശ്യമായ സമയത്താണ് പണം ലഭിക്കുന്നത്. ഒരാളുടെ വിവാഹമാണ്. പ്രിൻസ് ഉൾപ്പെടെ ചിലർക്ക് നാട്ടിൽ വീട് പണിയുമായി ബന്ധപ്പെട്ട സാമ്പത്തിക ആവശ്യങ്ങളുമുണ്ട്. തങ്ങളുടെ ജീവിതം മാറിമറിയാൻ പോകുകയാണെന്ന് പ്രിൻസ് പറഞ്ഞു. തൻറെ അക്കൗണ്ട് വഴിയാണ് കൂടുതൽ തവണയും ബിഗ് ടിക്കറ്റ് വാങ്ങിയത്. ചിലപ്പോൾ മാത്രം സംഘത്തിലെ മറ്റ് ചിലരുടെ അക്കൗണ്ടിൽ നിന്ന് ടിക്കറ്റ് വാങ്ങിയിട്ടുണ്ട്.

ഇത്തവണ രണ്ട് ടിക്കറ്റുകൾ വാങ്ങി. ഓഫർ പ്രകാരം ഒരെണ്ണം സൗജന്യമായി ലഭിച്ചു. പണം നൽകി വാങ്ങിയ ടിക്കറ്റിനാണ് ഗ്രാൻഡ് പ്രൈസ് ലഭിച്ചത്. സാധാരണയായി മാസം അവസാനമാണ് തങ്ങൾ ടിക്കറ്റ് വാങ്ങാറുള്ളത്. എന്നാൽ ഇത്തവണ മാറ്റിപ്പിടിച്ചെന്നും മാസത്തിൻറെ തുടക്കത്തിൽ, കഴിഞ്ഞ നറുക്കെടുപ്പിന് തൊട്ടു പിന്നാലെ തന്നെ ടിക്കറ്റ് വാങ്ങിയെന്നും പ്രിൻസ് പറഞ്ഞു.

ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BOByB6myzyU1Fatwu5qtIZ