വിമാനത്തിൽ ബോംബ് വെച്ചിട്ടുണ്ടെന്ന് വ്യാജ ഭീഷണി; പിടിയിലായത് 13കാരൻ
ന്യൂഡല്‍ഹി: എയർ കാനഡ വിമാനത്തിൽ ബോംബ് വെച്ചിട്ടുണ്ടെന്ന് ഡൽഹി വിമാനത്താവളത്തിലേക്ക് വ്യാജ ഇ-മെയിൽ സന്ദേശം അയച്ചയാൾ ഒരാഴ്ചക്കുശേഷം പിടിയിലായി. ഉത്തർപ്രദേശിലെ മീററ്റ് സ്വദേശിയായ 13കാരനാണ് പിടിയിലായത്. 13കാരനെക്കുറിച്ചുള്ള വിവരങ്ങൾ പൊലീസ് പുറത്തുവിട്ടിട്ടില്ല.
ഡൽഹി രാജ്യാന്തര വിമാനത്താവളത്തിൽ രാത്രി 10.50നാണ് ഇ-മെയിൽ ലഭിച്ചത്. വിമാനം പുറപ്പെടാൻ നിമിഷങ്ങൾ മാത്രം ബാക്കിയുള്ളപ്പോഴായിരുന്നു ഇത്. ഇതോടെ വിമാനത്തിൽനിന്ന് 301 യാത്രക്കാരെയും 16 ജീവനക്കാരെയും പുറത്തിറക്കി. 12 മണിക്കൂറാണ് വിമാനം വൈകിയത്.
പുതിയ ഇ-മെയിൽ ഐ.ഡിയിൽ നിന്ന് സന്ദേശമയച്ചാൽ അധികൃതർക്ക് പിടികൂടാനാകുമോ എന്ന് പരിശോധിക്കാനാണ് ഇത് ചെയ്തതെന്ന് 13കാരൻ പറഞ്ഞു. വിദ്യാർഥി സന്ദേശം അയച്ച ഫോൺ പൊലീസ് കസ്റ്റഡിലെടുത്തു.
ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/JkR9U6InFwxGVIqwxUdasU
Comments (0)