ഖത്തറിൽ ഈദ് അൽ അദ പ്രമാണിച്ച് സബ്‌സിഡി വിലയിലുള്ള ആട്ടിറച്ചിക്കുള്ള രജിസ്ട്രേഷൻ ആരംഭിച്ചു
ദോഹ: പ്രാദേശിക ഉൽപ്പാദനം പ്രോത്സാഹിപ്പിക്കുന്നതിനും ഈ വർഷത്തെ ഈദ് അൽ അദ്ഹയ്ക്ക് ആട്ടിറച്ചി സബ്‌സിഡി വിലയിൽ നൽകുന്നതിനുമുള്ള ദേശീയ സംരംഭത്തിൻ്റെ രജിസ്ട്രേഷൻ മെയ് 9 മുതൽ 30 വരെ തുറന്നിട്ടുണ്ടെന്ന് വാണിജ്യ വ്യവസായ മന്ത്രാലയം അറിയിച്ചു.
മുനിസിപ്പാലിറ്റി മന്ത്രാലയത്തിന്റെ സഹകരണത്തോടെ പ്രാദേശിക ആടുകളുടെ ഉൽപ്പാദനം വർദ്ധിപ്പിക്കുന്നതിനും ഖത്തറിൻ്റെ വാണിജ്യ-സാമ്പത്തിക അന്തരീക്ഷം സംരക്ഷിക്കുന്നതിനും ലക്ഷ്യമിട്ട് കന്നുകാലികളെ വളർത്തുന്നവരെയും ഫാം ഉടമകളെയും പ്രോത്സാഹിപ്പിക്കുന്നതിനും പിന്തുണയ്ക്കുന്നതിന്റെയും ഭാഗമായാണ് ഈ നീക്കം.
ഈ നീക്കം വിതരണവും ഡിമാൻഡും തമ്മിൽ സന്തുലിതാവസ്ഥ സൃഷ്ടിക്കുമെന്നും വിപണിയിലെ വില സ്ഥിരതയ്ക്ക് സംഭാവന നൽകുമെന്നും ന്യായമായ വിലയ്ക്ക് മാംസം ലഭിക്കാനുള്ള പൗരന്മാരുടെ അവകാശങ്ങൾ ഉറപ്പുനൽകുമെന്നും മന്ത്രാലയം കൂട്ടിച്ചേർത്തു.
ബ്രീഡർമാർക്ക് ഓൺലൈനായോ അല്ലെങ്കിൽ രാജ്യവ്യാപകമായി സർക്കാർ സേവന കേന്ദ്രങ്ങൾ വഴിയോ രജിസ്റ്റർ ചെയ്യാനും അവരുടെ അന്വേഷണങ്ങൾ മുനിസിപ്പാലിറ്റി മന്ത്രാലയത്തിൻ്റെ കസ്റ്റമർ സർവീസ് കോൺടാക്റ്റ് സെൻ്റർ വഴി അയയ്ക്കാനും കഴിയും.
ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BsQQXAGm9mT0SOeedQwTJt
Comments (0)