Pravasi Varthakal

ദുബായിൽ ജോലി വാഗ്ദാനം ചെയ്ത് സ്ത്രീകൾ ഉൾപ്പെടെയുള്ളവരിൽ നിന്നു പണം തട്ടിയ കേസിൽ യുവാവ് അറസ്റ്റിൽ. ഏനാനല്ലൂർ കടുക്കാഞ്ചിറ മാലിക്കുന്നേൽ ഇന്ദ്രജിത്തിനെ (24) ആണു കല്ലൂർക്കാട് പൊലീസ് ബെംഗളൂരുവിലെ രഹസ്യ കേന്ദ്രത്തിൽ നിന്ന് അറസ്റ്റ് ചെയ്തത്.ജോലിയും വീസയും വാഗ്ദാനം ചെയ്ത് 10 ലക്ഷം രൂപയിലധികം പലരിൽ നിന്നായി തട്ടിയെടുത്തിട്ടുണ്ട് എന്നാണു പൊലീസിനു ലഭിച്ച വിവരം. ദുബായിൽ ജോലി ചെയ്തിരുന്ന ഇന്ദ്രജിത്ത് തിരികെ എത്തിയതിനു ശേഷമാണ് തട്ടിപ്പ് ആരംഭിച്ചത്. തൃശൂരിൽ നിന്നുള്ള സംഘവും ഇയാൾക്കു പിന്നിലുണ്ട്. ഇവർക്കായി പൊലീസ് അന്വേഷണം തുടരുന്നു.കല്ലൂർക്കാട് മൂവാറ്റുപുഴ പൊലീസ് സ്റ്റേഷനുകളിൽ ഇയാൾക്കെതിരെ പരാതികൾ എത്തിയതോടെ ഇന്ദ്രജിത്ത് ഉത്തർപ്രദേശിലേക്കു കടന്നിരുന്നു. പിന്നീട് ബെംഗളൂരുവിൽ വച്ചാണ് പൊലീസ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g