ഞെട്ടിക്കുന്ന കണക്ക്; യുഎഇയിൽ റഡാറുകൾ കണ്ടെത്തിയത് 20 ലക്ഷത്തിലേറെ ട്രാഫിക് ലംഘനങ്ങൾ
ദുബായിലെ റോഡ് സുരക്ഷയെ കുറിച്ച് ആശങ്ക ജനിപ്പിക്കുന്ന കണക്കുകളുമായി യുഎഇ ആഭ്യന്തര മന്ത്രാലയം. 2024ല്‍ ദുബായിലെ റഡാര്‍ കാമറകള്‍ പിടിച്ചെടുത്തത് 2,070,338 ട്രാഫിക് നിയമലംഘനങ്ങൾ. അധികൃതര്‍ പുറത്തുവിട്ട കണക്കുകളിലാണ് ഈ വിവരമുള്ളത്.എമിറേറ്റിലെ റോഡ് സുരക്ഷയുടെ കാര്യത്തില്‍ വലിയ ആശങ്ക സൃഷ്ടിക്കുന്നതാണ് ഈ റിപ്പോര്‍ട്ടെന്നാണ് വിലയിരുത്തല്‍. റോഡ് സുരക്ഷാ നടപടികള്‍ വര്‍ധിപ്പിക്കേണ്ടതിന്റെയും പൊതുജന അവബോധം മെച്ചപ്പെടുത്തേണ്ടതിന്റെയും ആവശ്യകത ഈ കണക്കുകള്‍ എടുത്തുകാണിക്കുന്നതായും അധികൃതര്‍ അറിയിച്ചു. ഇതിന്റെ അടിസ്ഥാനത്തില്‍ ഗതാഗത നിയമങ്ങള്‍ കൂടുതല്‍ കര്‍ശനമായി നടപ്പിലാക്കാനുള്ള തയ്യാറെടുപ്പിലാണ് ദുബായ് അധികൃതര്‍.നഗരത്തിലെ അപകടങ്ങളുടെ പ്രധാന കാരണങ്ങളിലേക്കും സ്ഥിതിവിവരക്കണക്കുകള്‍ വെളിച്ചം വീശുന്നുണ്ട്. പെട്ടെന്നുള്ള ലെയ്ന്‍ മാറ്റങ്ങളാണ് ഈ പട്ടികയില്‍ ഒന്നാമത്. ഇത് 676 അപകടങ്ങള്‍ക്ക് കാരണമായതായി കണക്കുകള്‍ വ്യക്തമാക്കി. വാഹനങ്ങള്‍ തമ്മില്‍ സുരക്ഷിതമായ അകലം പാലിക്കുന്നതിലുള്ള വീഴ്ചയാണ് റോഡപകടങ്ങളുണ്ടാക്കുന്ന രണ്ടാമത്തെ വില്ലന്‍. ഇതുമൂലം കഴിഞ്ഞ വര്‍ഷമുണ്ടായത് 518 അപകടങ്ങളാണ്. കൂട്ടിയിടികള്‍ തടയാന്‍ വാഹനങ്ങള്‍ക്കിടയില്‍ മതിയായ അകലം സൂക്ഷിക്കുന്നത് പോലുള്ള അടിസ്ഥാന ഡ്രൈവിംഗ് തത്വങ്ങള്‍ പാലിക്കേണ്ടതിന്റെ പ്രാധാന്യമാണ് ഈ കണക്കുകള്‍ എടുത്തുകാണിക്കുന്നതെന്ന് അധികൃതര്‍ വ്യക്തമാക്കി.ഡ്രൈവര്‍മാര്‍ വേഗതാ പരിധി ലംഘിച്ച കുറ്റങ്ങളാണ് റഡാര്‍ കാമറകള്‍ പകര്‍ത്തിയ നിയമലംഘനങ്ങളില്‍ ഏറ്റവും കൂടുതല്‍. വേഗതാ പരിധി ിക്കൂറില്‍ 30 കിലോമീറ്ററില്‍ കൂടുതല്‍ കവിഞ്ഞ 20 ലക്ഷത്തിലധികം സംഭവങ്ങളാണ് റഡാര്‍ കാമറകള്‍ പിടിച്ചെടുത്തത്. എല്ലാ റോഡ് ഉപയോക്താക്കളുടെയും സുരക്ഷയ്ക്കായി വേഗത പരിധി പാലിക്കേണ്ടതിന്റെ പ്രാധാന്യത്തെക്കുറിച്ചുള്ള ശക്തമായ ഓര്‍മ്മപ്പെടുത്തലാണ് ഇതെന്ന് അധികൃതര്‍ അഭിപ്രായപ്പെട്ടു.ഒന്നരലക്ഷത്തിലേറെ പാര്‍ക്കിങ് നിയമലംഘനങ്ങളും കഴിഞ്ഞ വര്‍ഷം റിപ്പോര്‍ട്ടു ചെയ്യപ്പെടുകയുണ്ടായി. ഗതാഗത ചിഹ്നങ്ങളും റോഡ് ചട്ടങ്ങളും പാലിക്കാത്തതുമായി ബന്ധപ്പെട്ട 129,263 ലംഘനങ്ങളും കഴിഞ്ഞ വര്‍ഷം റിപ്പോര്‍ട്ട് ചെയ്യപ്പെട്ടു. ഔദ്യോഗിക മുന്നറിയിപ്പുകള്‍ അവഗണിച്ച് മൂടല്‍മഞ്ഞുള്ള സാഹചര്യങ്ങളില്‍ വാഹനങ്ങള്‍ ഓടിച്ചുകൊണ്ട് 95 ഡ്രൈവര്‍മാര്‍ സ്വയം അപകടത്തില്‍ പെട്ടതായും റിപ്പോര്‍ട്ടിലുണ്ട്.
സിഗ്നലുകളിലെ ചുവന്ന ലൈറ്റ് ലംഘിച്ച 34,542 കേസുകളും മൊബൈല്‍ ഫോണ്‍ ഉപയോഗിച്ച് വാഹനമോടിച്ച 87,321 കേസുകളും കഴിഞ്ഞ വര്‍ഷം റിപ്പോര്‍ട്ട് ചെയ്യപ്പെട്ടു. 87,194 വാഹനങ്ങള്‍ റോഡുകള്‍ തടസ്സമുണ്ടാക്കിയതിന് പിടിക്കപ്പെട്ടു. സീറ്റ് ബെല്‍റ്റ് ധരിക്കാത്ത 64,233 ഡ്രൈവര്‍മാരെ പിടികൂടി.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)