Pravasi Varthakal

ദോ​ഹ: ഖ​ത്ത​റി​ന്റെ​യും കു​വൈ​ത്തി​ന്റെ​യും സം​യു​ക്ത സു​ര​ക്ഷ ഓ​പ​റേ​ഷ​ൻ വ​ഴി ത​ട​ഞ്ഞ​ത് വ​ൻ ല​ഹ​രി​ക്ക​ട​ത്ത്. വ്യോ​മ​മാ​ർ​ഗം കു​വൈ​ത്തി​ലെ​ത്തി​ക്കാ​ൻ ശ്ര​മി​ച്ച 75,000ത്തോ​ളം വ​രു​ന്ന ക്യാ​പ്റ്റ​ഗ​ൺ മ​യ​ക്കു​മ​രു​ന്നാ​ണ് സം​യു​ക്ത നീ​ക്ക​ത്തി​ലൂ​ടെ ത​ട​ഞ്ഞ​ത്.സൈ​ക്കോ​ട്രോ​പ്പി​ക് മ​യ​ക്കു​മ​രു​ന്നു​ക​ൾ സ്‌​പെ​യ​ർ പാ​ർ​ട്‌​സു​ക​ൾ​ക്കു​ള്ളി​ൽ വ​ള​രെ വി​ദ​ഗ്ധ​മാ​യി സൂ​ക്ഷി​ച്ചു​വെ​ച്ച് ക​ട​ത്താ​നാ​യി​രു​ന്നു ശ്ര​മം. യൂ​റോ​പ്യ​ൻ രാ​ജ്യ​ത്തു​നി​ന്ന് ഗ​ൾ​ഫ് മേ​ഖ​ല​യി​ലേ​ക്ക് വ​ലി​യ തോ​തി​ൽ മ​യ​ക്കു​മ​രു​ന്ന് ക​ട​ത്തു​ന്നു​വെ​ന്ന ര​ഹ​സ്യ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ലാ​യി​രു​ന്നു പ​രി​ശോ​ധ​ന.

കു​വൈ​ത്ത് ക​സ്റ്റം​സ് ജ​ന​റ​ൽ അ​ഡ്മി​നി​സ്ട്രേ​ഷ​ൻ നേ​തൃ​ത്വ​ത്തി​ൽ ല​ഹ​രി​ഗു​ളി​ക പി​ടി​കൂ​ടു​ക​യും സി​റി​യ​ക്കാ​ര​നാ​യ പ്ര​തി​യെ അ​റ​സ്റ്റ് ചെ​യ്യു​ക​യും ചെ​യ്തു. സം​ഭ​വ​ത്തി​ൽ ഖ​ത്ത​ർ സു​ര​ക്ഷാ വി​ഭാ​ഗ​ത്തി​ന്റെ സ​ഹാ​യ​ത്തി​ന് കു​വൈ​ത്ത് ആ​ഭ്യ​ന്ത​ര മ​ന്ത്രാ​ല​യം ന​ന്ദി അ​റി​യി​ച്ചു. യൂ​റോ​പ്യ​ൻ രാ​ജ്യ​ത്തു​ള്ള ബ​ന്ധു വ​ഴി​യാ​ണ് മ​യ​ക്കു​മ​രു​ന്ന് ക​ട​ത്തി​യ​തെ​ന്ന് പ്ര​തി കു​റ്റം സ​മ്മ​തി​ച്ച​താ​യും മ​ന്ത്രാ​ല​യം വെ​ളി​പ്പെ​ടു​ത്തി.

വ​ലി​യ തോ​തി​ൽ രാ​ജ്യ​ത്തേ​ക്ക് മ​യ​ക്കു​മ​രു​ന്ന് ക​ട​ത്ത് ത​ട​യു​ന്ന​തി​ൽ വ​ലി​യ പ​ങ്കു വ​ഹി​ച്ച ഖ​ത്ത​ർ സു​ര​ക്ഷ അ​ധി​കാ​രി​ക​ളെ കു​വൈ​ത്ത് ആ​ഭ്യ​ന്ത​ര മ​ന്ത്രാ​ല​യം പ്ര​ശം​സി​ച്ചു. അ​പ​ക​ട​ക​ര​മാ​യ വി​പ​ത്തി​ൽ നി​ന്നും സ​മൂ​ഹ​ത്തെ സം​ര​ക്ഷി​ക്കു​ന്ന​തി​ന് ഗ​ൾ​ഫ് സു​ര​ക്ഷാ ഏ​ജ​ൻ​സി​ക​ൾ ത​മ്മി​ലു​ള്ള ത​ന്ത്ര​പ​ര​മാ​യ പ​ങ്കാ​ളി​ത്ത​ത്തെ​യാ​ണ് ഇ​ത് പ്ര​തി​ഫ​ലി​പ്പി​ക്കു​ന്ന​തെ​ന്നും അ​ധി​കൃ​ത​ർ വ്യ​ക്ത​മാ​ക്കി.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BsQQXAGm9mT0SOeedQwTJt