അടിപൊളി; ഖത്തർ എയർവേയ്‌സ് ഫുഡ് മെനുവിൽ ഇനി കാവിയാർ വിഭവവും, എന്താണ് ഈ വിഭവം എന്നറിയണ്ടേ?
ദോഹ: 11 തവണ സ്‌കൈട്രാക്‌സ് വേൾഡ് ബെസ്റ്റ് ബിസിനസ് ക്ലാസ് നേടിയ ലോകത്തിലെ ഏക എയർലൈൻ എന്ന നിലയിൽ ഖത്തർ എയർവേയ്‌സ് തങ്ങളുടെ മെനു ഓഫറിൽ കാവിയാർ സേവനം അവതരിപ്പിച്ചുകൊണ്ട് ബിസിനസ് ക്ലാസ് സർവീസ് കൂടുതൽ മെച്ചപ്പെടുത്തുമെന്ന് പ്രഖ്യാപിച്ചു.
ഓഗസ്റ്റ് 15 മുതൽ 13 റൂട്ടുകളിൽ ആരംഭിക്കുന്ന കാവിയാർ പ്രേമികൾക്ക് ദോഹ, വാഷിംഗ്ടൺ,ബോസ്റ്റൺ, ഡാളസ്, ഹോങ്കോംഗ്, ഹൂസ്റ്റൺ, ലണ്ടൻ, ലോസ് ഏഞ്ചൽസ്, മെൽബൺ, ന്യൂയോർക്ക്, പാരീസ്, സാവോപോളോ, സിംഗപ്പൂർ, സിഡ്‌നി എന്നിവിടങ്ങളിൽ ഖത്തർ എയർവേയ്‌സിൻ്റെ ബിസിനസ് ക്ലാസിൽ ആഡംബര സേവനം ആസ്വദിക്കാം.
ഖത്തർ എയർവേയ്‌സിൻ്റെ അവാർഡ് നേടിയ ബിസിനസ് ക്ലാസ് സേവനത്തിൽ വിപുലമായ ഭക്ഷണ പാനീയ ഓപ്ഷനുകളും യാത്രക്കാർക്ക് ഇഷ്ടപ്പെട്ട ഭക്ഷണ സമയത്ത് ഭക്ഷണം കഴിക്കാവുന്ന ഓൺ ഡിമാൻഡ് ഡൈനിംഗും ഉണ്ട്. പുതിയ കാവിയാർ സേവനം ഒരു ഒറ്റപ്പെട്ട ഓപ്ഷനായി അല്ലെങ്കിൽ ഓൺബോർഡ് ഭക്ഷണ കോഴ്സുകളുടെ ഭാഗമായി ആസ്വദിക്കാം.
‘കാവിയാർ’ വിഭവം
ലോകത്തിലെ ഏറ്റവും വിലകൂടി‍യ ഭക്ഷണമാണ് ‘കാവിയാർ’. നിരവധി രാജ്യങ്ങളില്‍ ആഡംബര വിഭവങ്ങളുടെ കൂട്ടത്തില്‍പ്പെട്ടതാണ് കാവിയാർ. ചൈന, ഇസ്രയേല്‍, ഇറ്റലി, മഡഗാസ്കര്‍, മലേഷ്യ, നോര്‍ത്ത് അമേരിക്ക, റഷ്യ, സ്പെയിന്‍, യു.കെ, ഉറുഗ്വേ തുടങ്ങിയ രാജ്യങ്ങളിലാണ് ഈ വിഭവം പ്രധാനമായി കാണപ്പെടുന്നത്.
കാവിയാര്‍ മത്സ്യ മുട്ടയാണ്. കാസ്പിയന്‍ കടലിലും കരിങ്കടലിലും കാണപ്പെടുന്ന മത്സ്യമായ ‘ബെലുഗ സ്റ്റർജൻ’ എന്ന മത്സ്യത്തിന്‍റെ മുട്ടയാണ് ‘കാവിയാര്‍’. ഈ മത്സ്യത്തെയും അതിന്‍റെ മുട്ട ഉപയോഗിച്ചുണ്ടാക്കുന്ന വിഭവങ്ങളുടെയും വീഡിയോ സാമൂഹിക മാധ്യമങ്ങളില്‍ വൈറലായിരിന്നു.
ഇന്ത്യയിൽ 30 ഗ്രാം കാവിയാറിന് 8,000 മുതൽ 18,000 രൂപ വരെയാണ് വില. പാഡിൽഫിഷ്, സാൽമൺ, കരിമീൻ തുടങ്ങിയ മറ്റ് സ്റ്റർജിയൻ ഇനങ്ങളുടെ മുട്ടകള്‍ ഉപയോഗിച്ച് കൊണ്ടുള്ള വിഭവങ്ങളും കാവിയാര്‍ ഇനത്തില്‍പ്പെടുന്നതാണ്. എന്നാല്‍ ഏറ്റവും വിലയേറിയത് ബെലുഗ കാവിയാറാണ്.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/C7egAwSvOtY4DVc9SwYyfK
Comments (0)