Pravasi Varthakal

ദോ​ഹ: ഡി​ജി​റ്റ​ൽ ലോ​കം നി​ത്യ​ജീ​വി​ത​ത്തി​ന്‍റെ ഭാ​ഗ​മാ​യ കാ​ല​ത്ത്​ സൈ​ബ​ർ ക്രൈം ​ത​ട്ടി​പ്പു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന്​ ഓ​ർ​മ​പ്പെ​ടു​ത്തി ഖ​ത്ത​ർ വി​വ​ര​സാ​​ങ്കേ​തി​ക മ​ന്ത്രാ​ല​യ​വും ആ​ഭ്യ​ന്ത​ര മ​ന്ത്രാ​ല​യ​വും. ഇ​രു മ​ന്ത്രാ​ല​യ​ങ്ങ​ളു​ടെ​യും സ​മൂ​ഹ മാ​ധ്യ​മ പ്ലാ​റ്റ്​​ഫോ​മാ​യ ‘എ​ക്​​സി’​ലാ​ണ്​ പൊ​തു​ജ​ന​ങ്ങ​ൾ​ക്കും പൗ​ര​ന്മാ​ർ​ക്കു​മി​ട​യി​ൽ ത​ട്ടി​പ്പു​കാ​ർ​ക്കെ​തി​രെ ജാ​ഗ്ര​ത പാ​ലി​ക്കേ​ണ്ട​തി​ന്‍റെ ആ​വ​ശ്യ​ക​ത​ക​ൾ ഓ​ർ​മി​പ്പി​ച്ച​ത്.

എ​സ്.​എം.​എ​സ്​ സ​ന്ദേ​ശ​ങ്ങ​ളാ​യും ഫോ​ൺ വി​ളി​ക​ൾ, ഇ-​മെ​യി​ൽ ഉ​ൾ​പ്പെ​ടെ വി​വി​ധ മാ​ർ​ഗ​ങ്ങ​ളി​ലൂ​ടെ​യെ​ത്തു​ന്ന ത​ട്ടി​പ്പു​ക​ളി​ൽ വീ​ണു​പോ​വ​രു​തെ​ന്ന ക​മ്യൂ​ണി​ക്കേ​ഷ​ൻ ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്​​നോ​ള​ജി (എം.​സി.​ഐ.​ടി) മ​ന്ത്രാ​ല​യം ‘എ​ക്​​സ്​’ പോ​സ്​​റ്റി​ലൂ​ടെ ഓ​ർ​മി​പ്പി​ക്കു​ന്നു.

പ​ണം, വ​സ്​​തു​ക്ക​ൾ, നി​ങ്ങ​ളു​ടെ ഉ​ട​മ​സ്ഥ​ത​യി​ലു​ള്ള ആ​സ്​​തി​ക​ൾ തു​ട​ങ്ങി​യ​വ ത​ട്ടി​യെ​ടു​ക്കു​ന്ന​തി​നാ​യി വി​വി​ധ മാ​ർ​ഗ​ങ്ങ​ളി​ലൂ​ടെ​യാ​ണ്​ ത​ട്ടി​പ്പു​കാ​ർ സ​മീ​പി​ക്കു​ന്ന​ത്. പ്ര​വാ​സ മ​ണ്ണി​ലും ഇ​തി​നൊ​ട്ടും കു​റ​വി​ല്ല. മ​ല​യാ​ളി​ക​ൾ മു​ത​ൽ വി​വി​ധ രാ​ജ്യ​ക്കാ​ർ പ​ല ഭാ​ഷ​ക​ളി​ലും വ്യ​ത്യ​സ്ത രീ​തി​ക​ളി​ലും ഇ​ര​ക​ളെ തേ​ടി വ​ല​യി​ലാ​ക്കു​ന്ന​ത്​ ആ​വ​ർ​ത്തി​ക്കു​ന്ന സാ​ഹ​ച​ര്യ​ത്തി​ലാ​ണ്​ അ​ധി​കൃ​ത​ർ നി​ര​ന്ത​രം ബോ​ധ​വ​ത്ക​ര​ണം ന​ട​ത്തു​ന്ന​ത്.

അ​റി​യാ​വു​ന്ന​തും വി​ശ്വ​സി​ക്കു​ന്ന​തു​മാ​യ ആ​ളു​ക​ളു​ടെ​യോ ഏ​ജ​ൻ​സി​ക​ളു​ടെ​യോ ക​മ്പ​നി​ക​ളു​ടെ​യോ പേ​രി​ലും ത​ട്ടി​പ്പു​ക​ൾ ന​ട​ന്നേ​ക്കാം. വി​ശ്വ​സ​നീ​യ​മാ​യ കേ​ന്ദ്ര​ങ്ങ​ൾ എ​ന്ന ത​ര​ത്തി​ൽ പെ​രു​മാ​റി വി​ശ്വാ​സ്യ​ത നേ​ടി​യാ​യി​രി​ക്കും വി​വി​ധ ത​ട്ടി​പ്പു​ക​ൾ ആ​സൂ​ത്ര​ണം ചെ​യ്യു​ന്ന​ത്.ക്ലി​ക്കി​ന്​ മു​മ്പ്​ ക്രോ​സ്​ ചെ​ക്ക്​

ഔ​ദ്യോ​ഗി​ക​മോ, സ​ർ​ക്കാ​ർ വെ​ബ്​​സൈ​റ്റു​ക​ളോ എ​ന്ന​പേ​രി​ൽ ത​ട്ടി​പ്പു​കാ​ർ ഇ​ര​ക​ളെ വ​ല​യി​ലാ​ക്കു​ന്ന​താ​യി എം.​സി.​ഐ.​ടി മ​ന്ത്രാ​ല​യം അ​റി​യി​ക്കു​ന്നു. എ​ന്നാ​ൽ, ഇ​ത്ത​രം ലി​ങ്കു​ക​ളി​ൽ ക്ലി​ക്ക്​ ചെ​യ്യു​ന്ന​തി​ന്​ മു​​മ്പ്​ ഇ​വ യ​ഥാ​ർ​ഥ​മാ​ണോ എ​ന്ന്​ പ​രി​ശോ​ധി​ച്ചു​റ​പ്പാ​ക്ക​ണം.

വെ​ബ്​​സൈ​റ്റു​ക​ൾ വ്യാ​ജ​മാ​ണോ എ​ന്ന്​ വ​ള​രെ എ​ളു​പ്പ​ത്തി​ൽ സ്ഥി​രീ​ക​ര​ണം ന​ട​ത്താ​വു​ന്ന​തു​മാ​ണ്. ഖ​ത്ത​റി​ലെ മു​ഴു​വ​ൻ സ​ർ​ക്കാ​ർ വെ​ബ്​​സൈ​റ്റു​ക​ളും ‘gov.qa’ എ​ന്ന വി​ലാ​സ​ത്തി​ലാ​യി​രി​ക്കും അ​വ​സാ​നി​ക്കു​ന്ന​ത്. ഇ​ത​ല്ലാ​ത്ത ലി​ങ്കു​ക​ളി​ൽ സ​ർ​ക്കാ​ർ ആ​വ​ശ്യ​ത്തി​നാ​യി പ്ര​വേ​ശി​ക്കാ​തെ ത​ട്ടി​പ്പു​കാ​രെ പ​ടി​ക്കു പു​റ​ത്താ​ക്കാം.

ഡൊ​മൈ​നും യു.​ആ​ർ.​എ​ലും കൃ​ത്യ​മാ​ണോ എ​ന്ന്​ പ​രി​ശോ​ധി​ക്കു​ക​യാ​ണ്​ മ​റ്റൊ​രു വ​ഴി. സ​ർ​ക്കാ​റി​ലെ പ്ര​ധാ​ന സേ​വ​ന​ങ്ങ​ളു​ടെ വെ​ബ്​​സൈ​റ്റു​ക​ളു​​ടെ സ്​​പെ​ല്ലി​ങ്ങി​ൽ ചെ​റി​യ മാ​റ്റ​ങ്ങ​ൾ വ​രു​ത്തി ത​ട്ടി​പ്പു​കാ​ർ പു​തി​യ ഡൊ​മൈ​ൻ സൃ​ഷ്ടി​ച്ചും ഇ​ര​ക​ളെ വീ​ഴ്​​ത്തു​ന്നു. സ്പെ​ല്ലി​ങ്​ പ​രി​ശോ​ധി​ച്ചു​കൊ​ണ്ടു​ത​ന്നെ ക​ണ്ടെ​ത്താം.

ഇ​തോ​ടൊ​പ്പം സ്പോ​ൺ​സ​ർ ചെ​യ്യ​​പ്പെ​ടു​ന്ന വെ​ബ്​​സൈ​റ്റു​ക​ൾ സം​ബ​ന്ധി​ച്ചും ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ നി​ർ​ദേ​ശി​ക്കു​ന്നു. സെ​ർ​ച്ച് എ​ൻ​ജി​നി​ൽ ആ​ദ്യം പ്ര​ത്യ​ക്ഷ​പ്പെ​ടു​ന്ന​തി​ന് ത​ട്ടി​പ്പു​കാ​ർ പ​ര​സ്യ​ങ്ങ​ൾ സ്പോ​ൺ​സ​ർ ചെ​യ്യു​ന്ന വ്യാ​ജ വെ​ബ്സൈ​റ്റ് സ്വ​ന്ത​മാ​ക്കി​യും ഇ​ര​ക​ളെ വീ​ഴ്​​ത്തി​യേ​ക്കാം.യാ​ത്ര​ക​ളി​ലും സൂ​ക്ഷി​ക്കു​ക

വി​ദേ​ശ യാ​ത്ര​ക​ളി​ൽ ഉ​ൾ​പ്പെ​ടെ സൈ​ബ​ർ ത​ട്ടി​പ്പി​നും ഹാ​ക്കി​ങ്ങി​നു​മു​ള്ള സാ​ധ്യ​ത​ക​ൾ​ക്കെ​തി​രെ മു​ന്ന​റി​യി​പ്പു ന​ൽ​കു​ക​യാ​ണ്​ ആ​ഭ്യ​ന്ത​ര മ​ന്ത്രാ​ല​യം. മൊ​ബൈ​ൽ ഫോ​ൺ, ലാ​പ്​​ടോ​പ്, ഐ ​പാ​ഡു​ക​ൾ ഉ​ൾ​പ്പെ​ടെ എ​ല്ലാ ഇ​ല​ക്​​ട്രോ​ണി​ക്​ ഉ​പ​ക​ര​ണ​ങ്ങ​ളും കാ​ര്യ​ക്ഷ​മ​മാ​യ പാ​സ്​​വേ​ഡ്​ ഉ​പ​യോ​ഗി​ച്ച്​ സു​ര​ക്ഷി​ത​മാ​ക്ക​ണം.

പ​ണ​മി​ട​പാ​ട്​ ഉ​ൾ​പ്പെ​ടെ ന​ട​ത്തു​ന്ന സ​ന്ദ​ർ​ഭ​ങ്ങ​ളി​ൽ പൊ​തു ഇ​ട​ങ്ങ​ളി​ലെ വൈ ​ഫൈ സൗ​ക​ര്യ​ങ്ങ​ൾ ഉ​പ​യോ​ഗി​ക്കാ​തി​രി​ക്കു​ക. ഇ​ല​ക്​​ട്രോ​ണി​ക്​ ഉ​പ​ക​ര​ണ​ങ്ങ​ൾ പു​തി​യ സോ​ഫ്​​​റ്റ്​​വെ​യ​ർ ഉ​പ​യോ​ഗി​ച്ച്​ അ​പ്​​ഡേ​റ്റ്​ ചെ​യ്യു​ക. അ​ക്കൗ​ണ്ടു​ക​ൾ ഉ​പ​യോ​ഗി​ക്കു​മ്പോ​ൾ ഒ​ന്നി​ലേ​റെ ഓ​ഥ​ന്‍റി​ഫി​ക്കേ​ഷ​ൻ ന​ൽ​കി സു​ര​ക്ഷ ഇ​ര​ട്ടി​പ്പി​ക്കു​ക.

ബാ​ങ്കി​ൽ നി​ന്നു​ള്ള ഫോ​ൺ എ​ന്ന രീ​തി​യി​ലു​ള്ള ത​ട്ടി​പ്പു​ക​ളി​ലും ജാ​ഗ്ര​ത പാ​ലി​ക്ക​ണ​മെ​ന്ന്​ ആ​ഭ്യ​ന്ത​ര മ​​ന്ത്രാ​ല​യം അ​റി​യി​ച്ചു. വ്യ​ക്തി​ഗ​ത വി​വ​ര​ങ്ങ​ൾ, ക്രെ​ഡി​റ്റ് ​-ഡെ​ബി​റ്റ്​ കാ​ർ​ഡ്​ ന​മ്പ​റു​ക​ൾ, ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ എ​ന്നി​വ ആ​വ​ശ്യ​പ്പെ​ട്ടു​കൊ​ണ്ടു​ള്ള വി​ളി​ക​ളി​ൽ വീ​ഴ​രു​തെ​ന്നും അ​റി​യി​ച്ചു.

ഖ​ത്ത​ർ ഫി​നാ​ൻ​ഷ്യ​ൽ സെ​ന്‍റ​ർ റെ​ഗു​ലേ​റ്റ​റി അ​തോ​റി​റ്റി​യും പൗ​ര​ന്മാ​രോ​ടും പൊ​തു​ജ​ന​ങ്ങ​ളോ​ടും സൈ​ബ​ർ ത​ട്ടി​പ്പി​നും സാ​മ്പ​ത്തി​ക ത​ട്ടി​പ്പി​നു​മെ​തി​രെ മു​ൻ​ക​രു​ത​ൽ പാ​ലി​ക്കാ​ൻ നി​ർ​ദേ​ശം ന​ൽ​കു​ന്നു.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം
അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BoqvZkd4Quc10R39SDGNhh