ട്രക്കുകൾക്കും ബസുകൾക്കും ഈ മണിക്കൂറുകളിൽ നഗരത്തിനുള്ളിൽ പ്രവേശന നിരോധനം ഏർപ്പെടുത്തി
ദോഹ നഗരത്തിനുള്ളിൽ, 25 ൽ കൂടുതൽ യാത്രക്കാരുള്ള ട്രക്കുകൾക്കും ബസുകൾക്കും തിരക്കുള്ള സമയങ്ങളിൽ നിയന്ത്രണം ഏർപ്പെടുത്തി. പെർമിറ്റ് ഇല്ലാത്തവയെ നിരോധിക്കുകയും ചെയ്തിട്ടുണ്ട്. അതേസമയം ഫെബ്രുവരി 22 സ്ട്രീറ്റിൽ എല്ലാ സമയത്തും ഈ വാഹനങ്ങളുടെ പ്രവേശനത്തിന് പൂർണ്ണ നിരോധനമുണ്ട്. തിരക്കുള്ള സമയങ്ങളിൽ രാവിലെ 6 മുതൽ 8 വരെയും ഉച്ചയ്ക്ക് 12 മുതൽ 3 വരെയും വൈകുന്നേരം 5 മുതൽ 8 വരെയുമാണ് ഈ വാഹനങ്ങൾക്ക് നഗരത്തിൽ പ്രവേശന നിയന്ത്രണം. ഇതിനായി നിയുക്ത റൂട്ട് മാപ്പ് ഇത് പുറത്തിറക്കി.
25-ൽ കൂടുതൽ യാത്രക്കാരുള്ള ട്രക്കുകൾക്കും ബസുകൾക്കുമുള്ള ഒഴിവാക്കൽ പെർമിറ്റുകൾ വെബ്‌സൈറ്റ് വഴിയോ Metrash2 ആപ്ലിക്കേഷൻ വഴിയോ നേടാം: ഇതിനായി, (1) ട്രാഫിക്ക് (2) വിഹക്കിൾസ് (3) ട്രക്ക് പെർമിറ്റ്‌സ് (4) സബ്മിറ്റ് ആപ്ലിക്കേഷൻ എന്നീ ഓപ്‌ഷനുകൾ ഉപയോഗിക്കാം.
നിരോധനത്തിൽ നിന്നുള്ള ഒഴിവാക്കൽ പെർമിറ്റിന് അപേക്ഷിക്കാൻ ആവശ്യമായ രേഖകളിൽ ഇവ ഉൾപ്പെടുന്നു: പെർമിറ്റ് തരം വ്യക്തമാക്കുന്ന പ്രോജക്റ്റ് മാനേജ്മെൻ്റിൽ നിന്നുള്ള കത്ത്, അഷ്ഗൽ അല്ലെങ്കിൽ പൊതുമരാമത്ത് അതോറിറ്റിയുമായുള്ള തൊഴിൽ കരാർ, കമ്പനിയുടെ രജിസ്ട്രേഷൻ്റെ പകർപ്പ്, സാധുവായ വാഹന രജിസ്ട്രേഷൻ്റെ പകർപ്പ്.
2023 നവംബറിൽ ആദ്യം പ്രഖ്യാപിച്ച നിരോധനം, ജനറൽ ഡയറക്ടറേറ്റ് ഓഫ് ട്രാഫിക്, ബന്ധപ്പെട്ട അധികാരികളുടെ ഏകോപനത്തോടെ, 2024 മെയ് 31 വെള്ളിയാഴ്ച മുതലാണ് വീണ്ടും പ്രാബല്യത്തിൽ കൊണ്ടുവന്നത്.ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BsQQXAGm9mT0SOeedQwTJt
Comments (0)